Tríggjar áhugaverdar kvinnur, sum hvør í sinum lag fáast við umsorgan, eru í Rák hesa ferð.

Anna Louisa Joensen, sum í nógv ár hevur arbeitt við at bjarga føroysk ross frá at doyggja út, greiður frá sínum stríðið. Hon hevur yvir 15 ár sent 12 umsóknir til myndugleikan við umbøn um hjálp, men kortini er lítið og einki hent. Føroysku rossini húsast í dag í tveimum bingjum á festijørðini hjá Jákupi Bærentsen. 

Ingilín D. Strøm, sum er nýtt valevni hjá Javnaðarflokkinum, vil hava føroyingar at gevast við at bora eftir olju. Vit hoyra hennara grundgevingar og spyrja m.a. hvat baklandið í Javnaðarflokkinum heldur um hennara hugskot.

Rebecca Uth, ein donsk-føroysk ídnaðarsniðgevi, er farin at byggja hotellir til býflugur. Vit hoyra um hennara verkætlan at bjarga villu býflugunum. 

Annika Bolton Mortensen leggur sendingina til rættis.