Týsdagin sendi løgreglan í Føroyum út fyrispurning á sínum facebook-vanga, har hon spurdi, um nakar saknaði eina svarta dreingjasúkklu. Ein svørt dreingjasúkkla, stødd uml. 8-10 ár, var funnin í Havn og innlatin sum funnið fæ (hittegods). Um nakar helt seg vera eigaran, so kundi viðkomandi ringja til 114/vaktleiðaran.

Áhugin fyri dreingjasúkkluni var helst ikki stórur, tí neyvan eru tað fleiri, sum hava mist ein svarta dreingjasúkklu í Havn. Tað var heldur myndin, sum løgreglan sendi út í samband við eftirlýsingina, ið vakti áhuga.

Myndin, sum lesari hevur sent okkum, er farin "viralt" á facebook. Hon er tikin uttan fyri Norðoya Sparikassa í Klaksvík - beint við eitt ferðsluskelti, ið sæst uttast høgrumegin á myndini ...

Seinni um dagin skrivaði løgreglan á vanga: "Eigarin til nevndu súkklu er funnin. Vit takka fyri hjálpina.".

Um tað var tann góða myndin, sum gjørdi, at eigarin av súkkluni varð funnin, tað vita vit ikki, men hetta var góð marknaðarføring, og í hvussu so er annarleiðis. Møguliga var myndin júst send út fyri at vísa á, at løgreglufólk bara eru vanlig fólk.