Í politisku kjaksendingini "Stafettin" spyr ein politikkari ein annan spurningar. Tann tráspurdi politikkarin sleppur so í næstu sending, at velja sær ein politikkara at spyrja spurningar. 

Hesa vikuna er tað tjóðveldiskvinnan Sirið Stenberg, landsstýriskvinna í heilsu- og innlendismálum, sum spyr løgtingskvinnuna fyri Fólkaflokkin, Elsebeth Mercedis Gunnleygsdóttur. 

Sirið spyr m.a. hvussu nógv fullveldisspurningurin hevur at siga í valstríðnum og í samgongusamráðingum hjá Fólkaflokkinum, um Fólkaflokkurin ætlar at bakka aftur í hjúnabandsmálinum, fiskivinnunýskipanini og við landsbankanum, og um útlit eru fyri, at tey í Fólkaflokkinum fara at atkvøða fyri Náttúrumargfeldislógini. 

Annika Bolton Mortensen er vertur í sendingini, sum er á R7 fríggjadagar kl. 13.