Hey søkt um royndarloyvi til 5G-net
Hey hevur í dag sent Fjarskiftiseftlirlitinum umsókn um royndarloyvi til at útbyggja 5G í Føroyum. Felagið ætlar í fyrstu atløgu at royndarkoyra 5G í Havn, Klaksvík, Runavík og á Tvøroyri, men langskygda ætlanin er eitt landsumfatandi 5G-net.
Í umsóknini vísur Hey á, at felagið metir tað verða skilabest um føroyski telemarknaðurin deilur eitt 5G-net, heldur enn at byggja tvey sjálvstøðug 5G-net. Hetta vegna samfelagsligt og umhvørvisligt skynsemi.
Millum annað vísir Hey á, at eitt felags 5G-net fer a hava positiva ávirkan á samfelagsbúskapin, tí kostnaðurin til útbygging og rakstur av 5G-netinum lækkar fyri allar veitarar, og harvið lækkar prísurin til endabrúkaran.
Um tað umhvørvisliga atlitið skrivar Hey, at eitt deilt 5G-net ger, at samlaða el-orkan, ið er neyðug at reka 5G í Føroyum, minkar og at færri nýggjar 5G-støðir skulu setast upp kring landið í bygdum og óbygdum øki komandi árirni. Tey vísa sostatt á, at við einum deildum 5G-netið verður bíligari og grønari hjá øllum at brúka 5G, umframt at 5G-netið kann vera skjótari útbygt við tað at fleiri veitarar lyfta uppgávuna í felag.
Hey skrivar einki um, at verja umhvørvið fyri strálingi frá 5G tøkni. Herfyri vóru annars væl fleiri enn 1000 undirskrivtir innsavnaðar frá fólki, sum ikki vilja hava 5G í Føroyum, tí tey bera ótta fyri strálingi frá 5G tøkni. Formaðurin í Fólkaheilsuráðnum, Magni Mohr, hevur eisini sagt við Krigvarp Føroya, at hann heldur 5G eigur at kannast betri áðrenn tað verður sett upp hjá okkum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur