Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Miðflokkurin, Løgtingið og løgmaður!

Lesarabrøv, Politikkur | 04/05-2019 23:57

Í heilar fimm minuttir, í kringvarpinum fríggjakvøldið, fekk løgmaður høvið at greiða Føroya fólki frá løgnu politisku gongdini í Løgtinginum seinastu vikuna. Eg lurtaði við størsta áhuga, tí eisini eg vildi fegin frætta nærri og gerast klókari. Men eg var við sviðusoð!

Tveir tímar áðrenn hetta hevði eg sitið saman við løgmanni, løgtingsformanninum og hinum fimm floksformonnunum og viðgjørt fylgurnar av margháttligu støðuni, ið kom í mánakvøldið, tá samgonguleiðararnir, heldur enn at leggja kongin, bóðu um hjálp frá andstøðuni at boykotta løgtingsarbeiðið.

Men í staðin fyri at greina føroyingum fløkjuna, valdi løgmaður at leggjast á andstøðuna, hann skuldsetti ferð eftir ferð andstøðuflokkarnar fyri ikki at vilja viðgerða tey mál, sum liggja í Løgtinginum. 

Onki kann vera meiri skeivt!

Vit bjóðaðu okkum at arbeiða víðari

Á fundinum fríggjadagin gjørdi eg púra greitt, at vit í Miðflokkinum fegnir vildu taka tað tíðina, sum krevst, eina, tvær ella fleiri vikur, fyri at rudda borið, áðrenn vit fóru í summarfrí. Eg heitti  beinleiðis á løgtingsformannin um, sum vanligt, at kalla til løgtingsfund komandi vikuna, tí vit vildu fegnir viðgerða bæði bráneyðug og minni bráneyðug mál, tí til tað eru vit valdir, og til tað verða vit løntir.

Eg frábiðið mær vinarligast at verða lagdar undir nakað annað, Harra løgmaður! Hvat hinir luttakararnir á fundinum søgdu stendur ikki til mín at siga Føroya fólki frá, tað megna teir sjálvir, men allir kunnu teir, um neyðugt, vátta, at so er, sum eg her sigi frá!

Vísið tykkum sum menn, skrivið út nýval

Tað er út um alt mark átaluvert, at samgongan, eftir at halda seg hava mist meirilutan á Løgtingi, blokerar tær báðar sjálvsøgdu og náttúrligu loysnirnar av slíkari støðu! Tí hesar eru tvinnar, antin at royna at viðgerða málini, ið eftir eru og síggja hvussu leikur fer, ella at skriva út nýval! 

At geva andstøðuni skuldina fyri egið atgerðarloysi er sera ússaligt! Andstøðan kann hvørki skriva út val, tað valdið hevur løgmaður, ella áleggja løgtingsfólki at arbeiða víðari, tí tað valdið hevur løgtingsformaðurin. Og hann er, sum øllum kunnugt, ikki andstøðu-, men samgongulimur.


Jenis av Rana
formaður Miðfloksins 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
The Land of Maybe – No More
Søgan um festið í Oyndarfirði
Framleiðir seingjarkistur til koronadeyð
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Hvagar eru vit á veg?
Samrøða: Theresa Turidardóttir Kreutzmann, um ferðavinnu í Suðuroy
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Arbeiðsvanlukka kravt eitt mannalív
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi