Langur og góður dagur
So er ein langur, innihaldsríkur og fjølbroyttur dagur farin afturum. Eftir ein góðan morgunmat, var ein fyrilestur á skránni við Sigrun Heldarskarð, við heitinum “Nærsambond”. Síðani fóru allar 180 kvinnurnar inn í nýggju høllina. Teimum dámdu hana væl, men vildu tó heldur vera í matarsalinum, har tær sótu við borð og kundu hava eitt krúss í hondini. Nøkur kunnandi orð vóru søgd um tilbygningin, bøn biðin og eitt ørindi sungi.
Á middegi var smyrjibreyð eti, sum var gáva frá einum skip. Seinnapartin var medarbeiðarafundur har ymiskt kom fram um arbeiðið í ringunum og hjá sjómanstrúboðaranum.
Góður døgurði var á skránni áðrenn menn úr Rituvík sungu kl.19.30. Síðani søgdu Rósing og Ann Thomsen frá hvussu tað var at vera ein “sjómansfamilja”. Ann endaði kvøldið við bíbliuorði og bøn.
Undir síðsta drekkamunni vóru vinningarnir til burturlutingina trektir. Hýrurin var góður og fólk kendu set styrkt í trúnni og í tænastuni.
Sí fleiri myndir her: facebook.com/sjomansmissionin
Mest lisið í farnu viku
Samband
Heygsvegur 8
490 Strendur