Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Nakrar søguligar rættleiðingar (triðji partur)

Lesarabrøv | 06/05-2019 09:52

Tað virkar sum at fólk hava gloymt, at Sambandsflokkurin hevði reinan meiriluta á løgtingi, tá fyrstu vegirnir í landinum vórðu gjørdir.

Eg havi nú í tveimum greinum víst á eina ramsu við søguligum pástandum, sum serliga tjóðveldisfólk brúka um Sambandsflokkin. Tað virkar sum, at tey halda seg hava fullan rætt til at siga hvat sum helst um Sambandsflokkin, og so kunnu onnur spjaða hesi ósannindini víðari, sum um at talan var um søguligar sannleikar.

Í hesi greinini fari eg at viðgera koyrivegir og flogferðslu. Tað geri eg, tí at Høgni Hoydal í eini blaðgrein tann 12. apríl segði, at Sambandsflokkurin millum annað hevði barst við hond og fót ímóti vegum og flogferðslu í Føroyum. Lat okkum byrja við vegunum:

Eg havi gjøgnum tíðina hoyrt nógvar skemtiligar søgur um, at sambandsmenn vóru ímóti vegum, tí tann føroyski fóturin skuldi ikki vera egnaður til at ganga á vegi o.s.fr. Hetta er sjálvsagt gott undirhald, men hvør er sannleikin?

Sambandsflokkurin hevði reinan meiriluta, tá fyrstu vegirnir komu

Sambandsflokkurin varð stovnaður í 1906, og tá vóru framvegis eingir vegir komnir millum bygdir í Føroyum. Men tað var júst um hetta mundi, at fyrstu vegirnir komu. Sanatoriivegurin í Hoydølum, sum var fyrsti koyrivegur í Føroyum, kom í 1907, og vegurin millum Skopun og Sand, sum var fyrsti vegurin millum bygdir kom í 1916.

Sambandsflokkurin hevði, við undantaki av nøkrum fáum árum, einsamallur meirilutan í løgtinginum frá 1906 til 1928. So kunnu vit spyrja, hvussu fólk hugsa sær, at løgtingið kundi taka undir við vegagerð, um Sambandsflokkurin (meirlutin) var ímóti vegum? Tað er løgið, at eingin av hesum ”stórskemtarunum” hevur hugsað um tað? Men hetta snýr seg ikki um logikk – hetta snýr seg um ógrundaða útspilling.

Eg kann tó til teirra verju siga, at løgtingið stóð ikki sjálvt fyri hesum vegagerðunum, tí vegirnir (eisini teir millum bygdir) vóru kommunalir tá í tíðini. Men løgtingið samtykti at mæla donsku stjórnini til at játta ”statstilskud til køreveje”, og so vítt sum eg dugi at síggja í Løgtingstíðinum, tók eitt samt løgting undir við at játta henda stuðulin.

Flogferðslan

Seinnu árini havi eg fleiri ferðir bæði hoyrt og sæð á prenti ein pástand um, at Sambandsflokkurin skal hava verið ímóti, at føroyingar komu uppí flogferðsluna. Eg havi hugt í Løgtingstíðinidi, men finni einki har, sum undirbyggir henda pástandin – tvørturímóti!

Í Løgtingstíðindum sæst, at tá partafelagið Atlantic Airways varð sett á stovn í 1987, varð lógaruppskot lagt fyri tingið, har biðið varð um heimild til at seta 1,02 mió. krónur í partapeningi í felagið. Hesum tók Sambandsflokkurin undir við. Minnilutin í fíggjarnevndini, (Ivan Johannesen, Anfinn Kallsberg og Eyðun Viderø) skrivaði millum annað soleiðis í teirra áliti: “Minnilutin gongur inn fyri, at føroyingar koma upp í flúgvingina.”

Í mars 1989 varð biðið um landskassaveðhald á 75 mió. krónur til P/F Atlantic Airways. Tað málið varð, eins og hitt fyrra, beint í fíggjarnevndina, og 30. mars sama ár skrivaði nevndin álit, har ein samd nevnd (íroknað Flemming Mikkelsen úr Sambandsflokkinum) mælti tinginum til at samtykkja uppskotið, við onkrum broytingum.

So kanska verður ”ramsan” hjá Høgna og øðrum tjóðveldisfólkum hereftir stytt við orðunum ”vegir” og ”flogferðsla”?

(meira kemur seinni).


Helgi Abrahamsen 
næstformaður Sambandsfloksins


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Lesarabræv
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Sjófólk leypa fyri borð av reikferða­skipum
Samrøða við Hanus Kjølbro - Tekur 1 ár at gerast skip­satstøðari á Sjónámi
The Land of Maybe – No More
Søgan um festið í Oyndarfirði
Framleiðir seingjarkistur til koronadeyð
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Hvagar eru vit á veg?
Samrøða: Theresa Turidardóttir Kreutzmann, um ferðavinnu í Suðuroy
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Arbeiðsvanlukka kravt eitt mannalív
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi