Átta horn- og harmoniorkestur við góðum 150 blásarum hittast á ársins musikkstevnu, sum harmoniorkestrið GHM er vertur fyri í ár.

Á musikkstevnum hittast orkestur úr øllum Føroyum at spæla konsert hvør sær og saman. Í ár verður musikkstevnan í Norðurlandahúsinum. Luttakandi orkestrini eru Harmoniorkestrið GHM, Sørvágs Tónleikarfelag, Tvøroyrar Hornorkestur, Klaksvíkar Hornorkestur, Eiðis ljómfelag, Nes Sóknar Musikkfelag og Havnar Hornorkestur.

Fyrsta musikkstevnan varð hildin í Vestmanna í 1966 og síðan tá hava orkestrini skiftst um at vera vertir. Musikkstevnan í ár er nummar 54.

Øll tey luttakandi orkestrini fara at spæla hvør sær og saman á konsertini, sum verður í Norðurlandahúsinum fríggjadagin kl. 15. Hvørt orkestur spælir í uml 12 minuttir, og sum nakað serligt í ár hava vertirnir ynskt at øll orkestrini spæla í minsta lagi eitt føroyskt verk.