Norski krúnprinsurin, Haakon Magnus, váttar fyri NRK, at hann fylgir við í kjakinum um systir sína, Märtha Louise og unnusta hennara Durek Verrets. Tey bæði eru á eini fyrilestrarundferð, og sølan av atgongumerkjum tók rættiliga dik á seg tá tað frættist, at tey vóru par. Blaðið Fædrelandsvennen skrivaði, at tað hóskaði seg ikki, at Märtha Louise brúkti sítt tignarliga heiti í einum søluátaki, og at hon tí átti at frásiga sær heitið.

“Vit fylgja við í tí sum verður sagt og skrivað, og vit ynskja at samtala við systur mína, serliga viðvíkjandi heiti og vinnuligum virksemi,” sigur krúnprinsurin við NRK.