SpaceX sendi í nátt upp eina Falcon 9 rakett, við teimum fyrstu 60  smáfyligsveinunum, sum skulu vera partur av eini nýggjari alnótskipan, ið hevur fingið navnið Starlink. Ætlanin er við tíðini at senda næstan 12.000 smáfylgisveinar í ringrás um jørðina, og hesir skulu tryggja, at alnótin fer at røkka til hvønn krók á jørðini.

Falcon 9 rakettin varð send út av Cape Canaveral Air Force Station. Ætlanin var at senda rakettina í farnu viku, men ferðin er tvær ferðir útsett, skrivar Reuters.

11.943 fylgisveinar

Starlink verkætlanin hevur verið ávegis í nógv ár, og í fjør fekk SpaceX góðkenning frá amerikansku myndugleikunum til at byrja royndirnar.

Í upprunaligu ætlanini skuldu 4425 fylgisveinar vera við í skipanini, og hesir skuldu ferðast millum 1110 og 1325 kilometra hædd. Fylgisveinarnir viga 386 kilogram hvør.

Men eftir at teir fyrstu 4425 fylgisveinarnir eru sendir út, er ætlanin at senda aðrar 7518 fylgisveinar, sum skulu vera heldur nærri jørðini.

Fylgisveinarnir skulu, sambært SpaceX geva eina bandbreidd á eitt gigabit um sekundið fyri hvønn endabrúkara.

Kelda: tek.no