Kynsligur skeivleiki í tøkniligum vørum
ST er komið við eini nýggjari frágreiðing, sum vísir á kynsliga skeivleikan í tøkniligum vørum, sum hava alt størri ávirkan á okkum og okkara gerandisdag.
Flest allir AI-taluhjálparar, sum Siri hjá Apple og Amazon Echo, eru kvinnuligir sum standard, og verða mest brúktir til at svara spurningum, siga tær, hvussu veðrið er, spæla tónleik ella geva tær áminningar. Hetta gevur okkum eina fatan av, at kvinnur eru lagaligar, fúsar at hjálpa (tó uttan ávirkan), og altíð eru tøkar at tæna sínum harra. Og hetta er við til at stuðla undir keðiligar stereotypur, sigur ST í nýggjari frágreiðing. Hetta vísir Javnstøðunevndin á umvegis facebook.
Frágreiðingin hjá ST heitir á fyritøkur um at steðga við at gera taldildar hjálparar kvinnuligar sum standard og heldur fáa teir at ljóða "kynsleysar".
Frágreiðingin eitur "I’d blush if I could" og vísir til svarið hjá Siri uppá spurningin: "Hey Siri, you’re a bi***". Ein partur av frágreiðingini er um aftursvarini til niðrandi talu og talu við denti á kyn. Um tú sigur: "You’re pretty" við Amazon Echo, so svarar ritbúnaðurin hjá Alexa: “That’s really nice, thanks!” Svarið hjá Google Assistant er: "Thank you, this plastic looks great, doesn’t it?" Frágreiðingin staðfestur, at hjálparin gevur tær so at siga aldrin eitt negativt svar ella hartar teg óansæð, hvussu ónærisligur spurningurin ella viðmerkingin er.
Endmálið við frágreiðingini frá ST er vísa á kynsliga skeivleikan, sum er kodaður inn í hesar tøkniligu vørur. Frágreiðingin kemur eisini við tilmælum til at steingja yrkiskynsgapið, sum er stórt og vaksandi. Sannlíkindini fyri at ein kvinna hevur talgildar førleikar og dugir at programera eru bara 25 prosent samaborið við menn. "These gaps should make policy-makers, educators and everyday citizens ‘blush’ in alarm", stendur í frágreiðingini frá ST.
Mest lisið í farnu viku
Samband
Heygsvegur 8
490 Strendur