Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Nú er at standa saman

Innanlands, Lesarabrøv | 04/06-2019 10:04


Góðu tjóðskaparfólk

Tá valhølini lata aftur mikukvøldið 5. juni, hevur hvør einasta atkvøða gjørt av, hvør rødd skal tala Føroya søk um allan heim komandi fýra árini. Tað er mangan sæð í fólkatingsvalum, at tað eru fáar atkvøður á muni millum stóru flokkarnar. Tí hevur tað nú meira enn nakrantíð alstóran týdning, at øll tjóðskaparfólk kring landið fara á val og savnast um eina frælsa tjóðskaparrødd á Fólkatingi.

Føroyska tjóðarbyggingin hevur verið eitt stríð gjøgnum ættarlið til tess at seta í verk dreymin um at skipa eina sjálvstøðuga tjóð í heiminum. Tað er henda megin, ið hevur ment Føroyar til støðugt at stremba eftir at skapa eitt nútímans, skapandi samfelag, har øll hava somu rættindi og skyldur og kunnu skapa sær eitt ríkt lív.

Tað, sum vit sjálv skapa, er tað, ið mennir okkum í samstarvi við aðrar tjóðir í heiminum. Tað, ið ongin hevði trúð var møguligt, hava vit megnað, tá ið vit hava tikið ábyrgd sjálv, hava virt okkara egna og bygt á egið tilfeingi og førleikar. Og í dag er tað hetta, sum vit øll eru mest errin av, hóast mótstøðan hevur verið øgilig. Hyggið bert at, hvat hendir í okkara mentan, okkara vinnu, okkara búskapi, okkara máli, okkara sosialu skipanum, okkara heilsuverki, okkara skúlum og dagsstovnum, okkara ítrótti og í okkara bygdum og býum, tá ið vit traðka fram og skapa sjálv.

Mangan verður sagt, at tjóðskaparfólk ikki tíma á fólkatingsval. Og satt at siga skilji eg sera væl, at tjóðskaparfólk ikki brenna fyri fólkatingssessinum. Vit vildu jú øll ynskt, at tað ikki var viðkomandi hjá føroyskum umboðum at sita á danatingi.

Men meira enn nakrantíð hevur tað týdningi nú, at vit júst hava eitt tjóðskaparligt umboð á Fólkatingi, at tala Føroya søk bæði í Danmark og um allan heim. Tí tá vit skulu taka seinastu fetini úr heimastýrinum krevst, at allir pallar verða nýttir til tess at fremja hetta í verki. Tí mugu vit øll fara á val og tryggja okkum, at tað ikki vera tvær sambandsrøddir, sum hoyrast um allan heim komandi fýra árini, men ein sterk tjóðskaparrødd.

Við málinum um einar frælsar Føroyar í eygsjón, havi eg fult álit á, at allir tjóðskaparveljarar fara á val og fara at stuðla Tjóðveldinum til fólkatingsvalið 5. juni.

Tí eg spyrji tykkum. Um ikki nú, so nær? Og um ikki ein sterk frælsisrødd, hvør skal so gera tað?

Tí heiti eg inniliga á allar tjóðskaparveljara. Farið á val. Gerið tykkara ávirkan galdandi, og verið við til at tryggja, at tað er søgan um tær frælsu Føroyar, sum heimurin hoyrir komandi fýra árini.

Við tjóðskaparkvøðu

Høgni Hoydal, formaður

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Sjófólk leypa fyri borð av reikferða­skipum
Samrøða við Hanus Kjølbro - Tekur 1 ár at gerast skip­satstøðari á Sjónámi
The Land of Maybe – No More
Søgan um festið í Oyndarfirði
Framleiðir seingjarkistur til koronadeyð
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Hvagar eru vit á veg?
Samrøða: Theresa Turidardóttir Kreutzmann, um ferðavinnu í Suðuroy
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Arbeiðsvanlukka kravt eitt mannalív
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi