So hendi tað tíanverri aftur, at ein av innsavnarum okkara skar seg illa av brotnum glasi, sum var koyrt í ein gráan posa uttan at vera pakkað inn. Tað er sera harmiligt, tá gáloysi førir til slíkar hendingar, skrivar IRF á heimasíðu síni.

Støðan kundi tó havt verið nógv verri, tí beint áðrenn hendingina hevði ein annar innsavnari borið tann sama posan á rygginum. Høvdu glaspettini tá vent ímóti rygginum á honum, kundi skaðin verið nógv álvarsamari.

Knívar, seymir, hvassir avskurðir og størri hvassir lutir skulu latast inn á kommunalu endurnýtsluplássini. Aðrir lutir, so sum brotnar krukkur og tílíkt, skulu pakkast væl inn, áðrenn teir verða latnir í gráa posan.

Vit vilja staðiliga heita á tykkum øll um at hugsa um innsavnarar okkara og um hvat verður latið í posarnar hjá okkum.

irf.fo