Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Stig verða tikin til at stovna eina UNESCO geopark í Føroyum

Innanlands, Uttanlands | 11/06-2019 17:00
UNESCO Geopark í Malaisia

Hvussu fáa vit ment ferðavinnuna, samstundis sum vit framhaldandi kunnu fáa gleði og gagn av okkara náttúru uttan at oyðileggja hana?

Hesar spurningar arbeiða tey við í UNESCO Global Geopark netverkinum, og í farnu viku var føroyski landafrøðingurin, Lis Mortensen á griksku oynni Lesvos, har UNESCO í samstarvi við universitetið á Lesvos hevði skeið um júst slíkar spurningar, sum eru so viðkomandi í Føroyum, nú ferðavinnan støðugt vindur uppá seg, og støðugt fleiri rópa varskó um slit í náttúruni. Tað skrivar Mentamálaráðið í tíðindaskrivi í dag

Evnið á skeiðinum var "Tillaging til veðurlagsbroytingar og dømi um, hvussu tað ber til at minka um oyðilegging av náttúruni". Á skeiðnum varð kunnað um sonevndar ”Geoparkir”, ið eru náttúruøki við altjóða jarðfrøðiligum týdningi. Endamálið er at verja jarðfrøðiliga margfeldið og at miðla náttúruarvin og mentanararvin, umframt at fremja burðardygga menning til gagns fyri fólk og vinnu í økinum.

Skeiðið var fyri starvsfólk á Geoparkum kring allan heim, jarðfrøðingar og onnur, ið arbeiða við burðardyggari menning og ferðavinnu í útjaðaraøkjum.

Fyri Føroyar er tað áhugavert, tí tað ber til at søkja um at gerast ein UNESCO Global Geopark. Í løtuni verður arbeitt við at stovna eina geopark eftir hesum leisti í Føroyum. Ætlanin er, at Geoparkin skal hava miðstøð í Suðuroy, ið hevur serligan jarðfrøðiligan áhuga, men at geoparkin kortini skal fevna um allar Føroyar, skrivar Mentamálaráðið.

Av tí, at Geoparkirnar samstarva og deila vitan í einum netverki, høvdu vit soleiðis komið inn í eitt sterkt netverk – og vit kundu lært av royndunum hjá hinum limalondunum.

Hanna Jensen, landsstýriskvinna í útbúgvingarmálum, fegnast um, at stig verða tikin til at seta eina geopark á stovn í Føroyum.

- Tað hevur stóran týdning, at vit fáa styrkt tilvitið um náttúruna kring okkum, og at ferðavinnan, ið hevur stóran búskaparligan týdning fyri okkum, verður ment á ein burðardyggan hátt. Tað kann eitt netverk sum UNESCO Global Geoparks hjálpa okkum við, sigur Hanna Jensen.

 


Lagt út: Annika Bolton Mortensen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Jens Andreassen settur sum yvirlækni á Lands­sjúkra­húsinum
Svimji- og baðoasa í Tjaldavík
Tíðindi á R7 klokkan 16:00
Samrøða við Rannvá G. Niclasen um mótmæli og korona í New York
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Tíðindi á R7 klokkan 20:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi