Maersk sett nýtt heimsmet við størstu lastini umborð
Eitt skip hjá Maersk sigldi 1. juni frá Malaisia við einari last, sum var so sór, at talan var um eitt nýtt heimsmet, skrivar greiningarhúsið Alphaliner.
Tað var Monaco Maersk, sum er av slagnum megamax, og sum í veruleikanum kann taka uppaftur meira, ið setti heimsmetið.
Talan var um eina ferð úr havnini í Tanjung Pelepas í Malaisia til Rotterdam í Hollandi. Umborð vóru 19.284 teu. Skipið kann taka 20.568 teu.
Maersk hevur fyrr havt heimsmetið. Tað var tá Mumbai Maersk í august í 2018 lastaði 19.038 teu – eisini á einari rutu millum Malaisia og Rotterdam. Tað metið sló japanska, One, sum í februar sigldi við 19.190 teu við MOL Tribute. Skipið sigldi frá Singapor mót Evropa umvegis Suesveitina og var eisini av slagnum metamax.
Monaco Maersk verður væntandi í Rotterdam 21. juni.
Kelda: Shippingwatch og www.antares.fo
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur