Manning á Sjóborg avhoyrd
Norska løgreglan hevur avhoyrt manning, sum var við Sjóborg, tá skipið rakti oljupallin, Statfjord A, fríggjadagin í farnu viku.
Sysla skrivar, at løgreglan nú hevur avhoyrt nakrar av manningini, sum vóru við Sjóborg, tá óhappið hendi. Myndir eru eisini tiknar av skaðunum, og bíðað verður nú eftir fleiri kanningum.
“Sjóborg” liggur í løtuni við bryggju í Mekjavik uttanfyri Stavanger sið sjónligum skaða. Skaðarnar fekk Sjóborg, tá hon rendi á Statfjord A-pallin í farnu viku. Óhappi hendi, meðan Sjóborg gav oljupallinum vatn.
Sambært Equinor, sum eigur pallin, var orsøkin til stoytin, at skipið ikki lá heilt sum tað skuldi, og rakti tískil pallin.
Ongin framleiðsla var á Statfjord A, tá óhappið hendi, tí pallurin verður í løtuni umvældur. Men 276 fólk vóru á pallinum. Manningin á Sjóborg taldi 12.
Kelda: Metal Supply og www.antares.fo
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur