Ì gjár var nýggjur minnisvarði reistur fyri tey, sum eru farin í vanlukkum á sjógvi og landi í Svínoy. Tað er listarmaðurin Edward Fuglø, sum hevur sniðgivið minnisvarðan, ið er framleiddur í Týsklandi. 

Svínoy hevur verið hart rakt av bátsvanlukkum. Í tíðarskeiðnum 1861-1913 gingu seks Svínoyarbátar burtur við tilsamans 24 monnum. Um hugt verður heilt aftur til 1739 og fram til 1984 eru tilsamans 51 menn og ein kvinna farin í vanlukkum í Svínoy, skrivar Kringvarp Føroya.