Jógvan Philbrow: Lat ikki politikk avgera staðsetingina av einum nýggjum barnaheimi
Á heimasíðuni hjá Pedagogfelagnum fegnast formaðurin, Jógvan Philbrow, um at politisk valevni til komandi løgtingsval vísa barnaheiminum áhuga. Hann heitur tó á politikkarar um, ikki at blanda lokal áhugamál uppí staðsetingina av barnaheiminum, men heldur at lurta eftir fakligum metingum.
Lokalpolitikkur trívist best við at royna at seta “økið” – miðstaðarøkið ella útjaðarin – upp ímóti hvørjum øðrum. Og ymiskir flokkar hava áhuga í at fiska eftir atkvøðum á ymiskum miðum. Tað mugu tey so um, hvat tey halda, tænir landinum best, skrivar Jógvan Philbrow og kemur síðani við síni áheitan:
"Eg vil so koma við einari áheitan um, at tit halda barnaheimið uttan fyri hetta politiska atkvøðufiskarí. Barnaheimið er ein stovnur, ið skal vera um okkara mest sárbaru børn, børn, sum hava liðið undir umsorganarsvíki og tí eru í serliga útsettari støðu. Her kann tað ikki vera politisk telvarí, sum skal avgera staðsetingina, her mugu fakligu metingarnar takast í størsta álvara, og ein framtíðar staðseting av einum nýggjum barnaheimi má sjálvsagt byggjast á fakligar metingar, heldur enn at gerast partur av einum politiskum lokalpolitiskum val- og valdsspæli."
Eitt politiskt lyfti frá politikarunum um at lurta eftir fakligu metingunum hevði tískil hóskað seg í størstan mun. Torir nakar flokkur at lova teimum veikastu børnunum at tey vilja lurta eftir hvat fakførleikin sigur?
Eisini um tað merkir, at barnaheimið skal verða verandi í Tórshavn ella staðsetast úti í Fugloy?"
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur