Tað er vanligt at barnagarðar hava “gardag”, men kanska ikki so vanligt at onnur hava tað. Mánadagin hevði Sjóvar kirkja garðdag.

Í sendingini “Við sjóvarmálan” tosaðu vit við Ásbjørg á Hálvmørk, forkvinnu í kirkjuráðnum, sum millum annað greiddi frá ætlanini við degnum. (Samrøðan kann hoyrast her).

Byrjað var við einum góðum døgurða kl. 17 og so var farið til verka.

Nógv kom frá hondini, har var ruddað, grivið, sligið, lúkað, málað og annars hampað um vakra økið kring kirkjuna og inni í kirkjuni og kirkjuhúsinum.

Á heimasíðuni hjá Sjóvar kommunu funnu vit hesar myndirnar.