Framvegis einstøk æl, men frá vikuskiftinum verður turrari veður
Veðrið frá DMI
Veðurlagið:
Eitt lágtrýstumráði, 998 hPa, sunnanfyri Føroyar, flytur seg eitt sindur í landnyrðing, og tað gevður okkum løtur við regni og ælaveðri. Í vikuskiftinum mennist eitt hátrýst tætt við Føroyar, og tað fer at geva okkum støðugari veður.
Veðurvánirnar:
Lot til andøvsul av landsynningi, 3 til 8 m/s. Seinni snarar ættin og norðan og útnyrðing. Tað verður skýggjað fyri tað mesta og løtur við ælaveðri. Hitin í dag fer at liggja millum 9 og 12 stig.
Veðrið fríggjadagin:
Gul til frískan vind av útnyrðingi, 5 til 10 m/s. Ættin snarar spakuliga í vestan og útsynning. Onkrastaðni verða æl, men út á dagin verða sólglottar. Leygarnáttina verður turt fyri tað mesta og lutvíst klárt veður. Hitin um dagin fer at liggja um 10 stig, um náttina millum 6 og 9 stig.
Veðrið leygardagin:
Vindurin minkar niður í lot til andøvsgul av vestri, 2 til 7 m/s. Tað verða sólglottar og eitt skifti eitt sindur av regni. Hitin um dagin fer at liggja millum 9 og 12 stig, um náttina millum 4 og 8 stig.
Veðrið sunnudagin:
Lot til gul av ymsum ættum, minni enn 5 m/s. Tað verður turt og nakað av sól ella sólglottar. Hitin um dagin fer at liggja millum 10 og 12 stig, um náttina millum 5 og 10 stig.
Veðrið mánadagin:
Lot til gul, sum fyri tað mesta verður av landsynningi, minni enn 5 m/s. Tað verður turt og nakað av sól ella sólglottar. Hitin um dagin fer at liggja millum 10 og 13 stig, um náttina millum 7 og 10 stig.
Veðrið týsdagin:
Lot til andøvsgul millum landsynning og útsynning, 2 til 7 m/s. Tað verður turt við nakað av sól ella sólglottum. Hitin um dagin fer at liggja millum 10 og 15 stig, um náttina millum 7 og 10 stig.
Mest lisið í farnu viku
Samband
Heygsvegur 8
490 Strendur