Dupulti IronMan gav Autismufelagnum góða hálva mió. krónur
Umleið 50 fyritøkur og umleið 1.000 persónar stuðlaðu tiltakinum.
Tað at Elmar Ósá í næstseinastu viku svam, súkklaði og rann heilar 452 km út í eitt, gav væl av peningi til Autismufelagið. Elmar valdi at brúka avrikið til eitt stuðulstiltak til Autismufelagið, og inn komu 546.618,16 krónur frá umleið 50 fyritøkum og stovnum og umleið 1.000 persónligum gávum, sigur Autismufelagið í einum tíðindaskrivi.
“Vit í felagnum eru errin av stórfingna stuðlinum, men samstundis eyðmjúk. Vit fara nú at viðgera, hvussu hesin peningur á bestan hátt kann gagna teimum familjum, har autisma er partur av gerandisdegnum, so sum Elmar eisini ynskti tað,” sigur felagið.
Tað tók Elmari Ósá umleið 36 tímar at gjøgnumføra teir 7,6 kilometrarnar í svimjihylinum, 360 kilometrarnar á súkklu og 84 kilometrarnar við renning og til gongu.
Mest lisið í farnu viku
Samband
Heygsvegur 8
490 Strendur