Fríggjadagin stóð ein yvirskrift á heimasíðuni hjá Fiskimálaráðnum, sum kallaðist “Fráboðan”. Undir yvirskriftini stóð: 

Umsøkjarar til menningarkvotur fáa svar mánadagin.

í sambandi við nógvar fyrispurningar skal Fiskimálaráðið boða frá, at allir umsøkjarar til menningarkvotur fáa svar mánadagin 24. juni 2019.

Men hóast vit nú skriva týsdag 25. juni, so hava umsøkjararnir framvegis ikki fingið svar. Vit hava ringt til Fiskimálaráðið, fyri at spyrja, hví menningarkvoturnar ikki eru býttar. 

Skrivarin hjá landsstýrismanninum vísir til ein løgfrøðing, sum aftur vísir til aðalstjóran, og hann var ikki at hitta. Hann hevur tó í einum SMS boðum lovað at ringja aftur.