At deila virðir til allar føroyingar og at øll skulu sleppa framat er eitt paradox.

Skulu øll framat, brúka vit meira olju og CO2 útláti veksur. Vit brúka fleiri pengar til stál. Vit brúka fleiri pengar til rentur. Kvaliteturin á fiskinum verður vánaligur. Avreiðingarprísurin lækkar. Exportprísurin lækkar, tí vit eiga onga prima vøru at selja.

Velja vit at gera lagkøkuna størst møguliga, so skulu vit hava so fá skip sum møguligt. Tað minkar um CO2 dálkingina. Gevur mest pengar til sjúkrahús. Mest pengar til einligar mammur. Mest pengar til manglandi bústaðir. Heilt einfalt so verða mest pengar til alt.

Í dag eru 16 uppsjóvarskip. Sum sæst niðanfyri, so tørvar okkum í mesta lagið 9 skip at fiska allan uppsjóvarfiskin. Byggja vit nýggj skip, so lasta tey meira og fiska somu nøgd skjótari, so kunnu vit sannlíkt fiska allan uppsjóvarfiskin við 6 skipum.

Í 2018 fiskaðu hesi skip stórstu nøgdirnar sambært Vørn

Navn á skipi                        Avreidd nøgd

Finnur Fríði                         13.999 tons av sild

Høgaberg                            15.902 tons av makreli

Christian í Grótinum        40.785 tons av svartkjafti

Høgaberg                               3.559 tons av lodnu

Fiskaslag              Veiða í alt            Minimum tal av skipum

Sild                         88.364 tons        6,3 skip

Makrelur             83.939 tons        5,3 skip

Svartkjaftur        353.870 tons      8,7 skip

Lodna                    12.757 tons        3,8 skip

Tað er sannlíkt at útlutað vit almenn arbeiðspláss sum menningarkvotur, so var talan um varandi og trygga menning, sum royndist økjum munandi betur enn fiskur við sterti og skip við skrúvu.

Eivind Jacobsen

Valevni Fólkafloksins