Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Tordur J. Niclasen skrivar úr Kuummiut

Innanlands, Lesarabrøv | 08/07-2019 10:00

Vinur mín Karl – og ísurin sum hvarv

Fyrst ferð vit hittust var fyri 20 árum síðani.

Var ein av teim frægu veiðumonnunum í bygdini og hevði verið á mangari ferð við hundasletu á ísinum og víddunum handan Kuummiut. Ikki so fáar ísbjarnir hevði hann felt. Men so kom  brádliga vend í. Var sum 34 ára gamal farin ein túr við trolara á sumri 1988, tá tilburðurin,ið broytti lív hansara, hendi. Var áhalsin og datt niður í lastina. Gjørdist lamin og kom at nýta koyristól. Giftur og áttu tey 7 børn – tað yngsta bert 4 mánaðir. Veiðimannatilveran var komin at enda, men ikki lívið og teir møguleikar tað annars hevði at bjóða. Fall ikki í fátt, lat seg ikki steðgað av forðingum, men festi sinn og eygu á møguleikar. Við hjálp frá avbera røsku konu síni, varð lagt á annan bógv. Fekk starv á skrivstovuni á Fiskavirkinum í Kuummiut – tað einasta fiskavirki í Eysturgrønlandi – og gjørdist hann stjóri har nøkur ár seinri. Hetta starv røkti hann í nærum 30 ár til hann í 2017 legði frá sær.

Fyri nøkrum døgum síðan var eg aftur á gátt í hugnaliga heimi teirra. Prátið fall enn einaferð aftur á farnar dagar og hugleiddi hann, sum so mangan, um tíðina, tá víddirnar vóru kava- og ískladdar. Tjúkkur ísur var á firðinum og til bar við veiðuferðum víða um. Men so leggur hann, nakað hugtungur, afturat: “Men, vend er nú komin í. Tað er ikki tað, sum tað hevur verið”. Í ár var várið merkt av hita og nógvum regni og so at siga var ísurin horvin.

Hesin merkismaður veit hvat hann tosar um. Hann er ikki vísindamaður, men hevur sæð við egnum eygum broytingarnar, sum eru farnar fram hesi seinastu árini. Fyri nøkrum árum síðan var nærum ikki siglandi úr Kulusuk til Kuummiut, men í ár ørðvísi. Ongin ísur , bert okkurt hissini ísfall sum sást á fjørðinum.

So kunni fólk vera samd ella ikki hvat orsøkin til broytingina er, men eitt er vist, at broytingin er har og hon er ógvuslig. Uttan iva kemst hetta av mannaávum. Tí má og skal CO2 útlátið minka munandi!

Havandi komandi ættarliði í huga so er tað ein alheimsskylda at seta munagóð tiltøk í verk, til tess at minkað CO2 útlátið og dálking sum heild. Tað er eisini okkara ábyrgd og skylda at hava ein virknan leiklut í hesum týdningarmikla átaki.

Her mega allar góðar kreftir standa saman og taka lógvatak til tess at venda gongdini.

Umhvørvispolitikkur er nakað, sum eigur at fáa eina høga raðfesting. Hetta er nakað, sum komandi løgting/landstýrið eigur og skal leggja sær í geyma. 

 

Kuummiut 06. Juli 2019

Tordur J. Niclasen


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Partabrøv til starvs­fólk hjá Bakkafrosti
Samrøða við Rannvá G. Niclasen um mótmæli og korona í New York
Úr bandasavni­num: Samrøða við Dávur Jacobsen 3. partur
Svimji- og baðoasa í Tjaldavík
Jens Andreassen settur sum yvirlækni á Lands­sjúkra­húsinum
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Sjófólk sleppa ikki í land aftur
Tíðindi á R7 klokkan 12:00
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Norð­oyastevna á netinum
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi