Vørn boðar nú frá, at fiskidagarnir í bólki 5B eru uppi. Hetta merkir, at allur fiskiskapur hjá útróðrarbátum undir 15 tons, sum ikki eru fultriknir, steðgar beinanvegin. Bátarnir sleppa ikki aftur til fiskiskap fyrr enn 1. januar næsta ár.

Hjá teimum fultriknu bátunum í bólki 5A eru 2.330 dagar brúktir av teimum 3.552 døgunum, sum bólkurin hevur. 81 bátar eru í bólkinum, so tað merkir, at 15 dagar eru eftir til hvønn bátin í meðal. Tá teir dagarnir eru brúktir, verður eingin útróður í Føroyum, tað sum eftir er av árinum.