Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Útróðurin má ikki steðga

Innanlands, Lesarabrøv | 10/07-2019 18:45

Tað er eyðsæð, at ein bráfeingis loysn má finnast í veiðibólki 5, so útróðrarflotin ikki verður lagdur restina av árinum. Og eg havi alla orsøk at vænta, at tey longu eru í ferð við at snikka eina loysn saman í Fiskimálaráðnum.

Lættasta loysnin er annaðhvørt at flyta fleiri bátar úr B-bólkinum upp í A-bólkin fyri á tann hátt at frígeva nakrar dagar í B-bólkinum, ella bara at gera dagarnar, sum eftir eru, til felagsdagar hjá bæði A-, og B-bólkinum – altso øllum bólki 5.

Eg dugi í øllum førum ikki at síggja, at landsstýrismaðurin við hesum báðum møguleikunum hevur nakrar trupulleikar við heimildunum.

Men hetta er bert ein bráfeingis loysn og fyrsta stigið í eini trístigarakett. Tí eftir valið skal ein nýskipan fyri okkara útróðrarflota gerast. Ein nýskipan, sum tryggjar burðardygga veiðu og samstundis tryggjar, at tey, ið liva av útróðri, hava fyrstarætt til fiskidagarnar.

Tann nýskipanin er tó triðja og seinasta stigið í trístigarakettini. Longu á ólavsøku má landsstýrismaðurin nevniliga í tingið við stigi tvey, tí tá vænti eg undir øllum umstøðum, at allur bólkur 5 er um at vera tómur fyri fiskidagar.

Í stigi tvey má landsstýrismaðurin útvega sær neyðugu heimildirnar at tryggja, at útróðurin ikki aftur steðgar upp hjá teimum, sum hava hann sum livibreyð, áðrenn veturin kemur.

Og har eru nógvir møguleikar. 

Til ber at seta eitt bagatell-mark fyri avreiðingum, soleiðis at bara avreiðingar omanfyri eina ávísa vekt telja við sum brúktir fiskidagar. Markið kundi til dømis verið avreiðingar omanfyri 600 pund. Allar avreiðingar niðanfyri hesa vekt skuldu so ikki talt við, og tað kundi verið gjørt afturvirkandi frá ársbyrjan. Á tann hátt ber til at frígeva nokkso fitt av døgum.

Eisini kundu vit sagt, at dagarnir, sum pensjonistar brúka fyri at røkka 60.000 króna-markinum, ikki taldu við. 60.000 krónur er tað, sum pensjonistar kunnu avreiða fyri, áðrenn teir verða mótroknaðir í pensjónini.

Ella vit kundu sagt, at øll kunnu avreiða fyri 60.000 krónur, áðrenn fiskidagarnar byrja at telja. 

Helst er tað bert hugflogið, ið setir mørk her.

Men í einari varandi skipan hevur tað størsta týdningin, at tey, sum hava mest brúk fyri fiskidøgunum, hava fyrsta rætt at sleppa framat teimum. Tí má ein nýskipan taka støði í hesum, og dagarnir mugu stillast so rætt, at tað ikki bara per automatikk skal bera til at koma afturumaftur og økja dagatalið. Tí tá missir reguleringin alla meining.

Onkur, millum annað Sniálvur Røvilsberg, nevndarlimur í Føroya Fiskimannafelag, hevur verið frammi við hugskotinum um at býta bólk 5 upp í tríggjar undirbólkar, A, B og C, ístaðin fyri bara tveir, sum nú er galdandi. Tað hevði kanska verið ein skilagóð loysn. 

Ingolf S. Olsen
løgtingsvalevni fyri Tjóðveldi


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Jens Andreassen settur sum yvirlækni á Lands­sjúkra­húsinum
Svimji- og baðoasa í Tjaldavík
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
Samrøða við Rannvá G. Niclasen um mótmæli og korona í New York
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Tíðindi á R7 klokkan 20:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi