Slovenski býurin Sevnica fekk fríggjadagin eina standmynd av amerikansku forsetafrúuni, Melaniu Trump, sum er uppvaksin í býnum. Men tað eru ikki øll sum eru so glað fyri standmyndina, tí onkur hevur beinleiðis sagt, at hon líkist meira einum fuglaskrímsli enn hon líkist einum listaverki, skriva fjølmiðlar í Slovenia.

Tað er lokali listamaðurin Ales Zupevc, sum hevur tilevnað standmyndina við eini motorsag. Sambært tíðindastovuni Reuters var eitt listasavn á staðnum eitt sindur í iva um, í hvussu stórum álvara listaverkið skuldi takast.