Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Birgir Nielsen; Samanhald heldur enn lokal áhuagmál

Innanlands, Lesarabrøv | 16/07-2019 19:00

Vit eiga sjálvsagt øll at vera errin av okkara høvuðsstaði. Men tíverri finnast nøkur fólk, sum alt ov ofta illneitast inn á Havnina og harvið royna at seta kílar ímillum høvuðsstaðin og restina av landinum


Vend eigur at koma í ta mangan neiligu, lokalpatriotisku og snævurskygdu umrøðuna av Havnini og øllum tí, sum høvuðsstaður Føroya stendur fyri.

Tíverri hoyrist slíkt møsn og grenj mangan frá sitandi politikarum, valdir uttan fyri Havnina. Og tíverri eisini frá fólki úr mínum egna flokki.

Veruleikin er, at Í Tórshavnar kommunu búgva í dag meira enn 21.000 fólk, tað svarar til 41 prosent av øllum borgarum í Føroyum. Og vøksturin heldur fram.

Vit kunnu bara ásanna, at tey allarflestu ungu, sum flyta til Føroya, vilja búgva í Havn. Hetta er sama rák, sum í okkara grannalondum.

Tí er eisini stórur tørvur á nýggjum fjølbroyttum bústaðarmøguleikum í Havnini. Fleiri sethús, íbúðir og leiguíbúðir mugu byggjast næstu árini.

Hetta er eisini orsøkin til at Bústaðir byggir munandi meira í Havnini enn aðrastaðni í Føroyum. Hatta kann ikki undra nakran, sum fylgir eitt sindur við vøkstrinum í fólkatalinum og hvar tilflytarar ynskja at búseta seg.

Mín áheitan til hesar mangan neiligu røddir er: Vinaliga steðgi tí neiligu umrøðuni av Havnini, tá hon er íspunnin og bert verður nýtt til at fremja egin áhugamál í øðrum pørtum av landinum.

Slík umrøða hoyrir ongastaðni heima, tí hon er við til at seta kílar ímillum Havnina og útjaðaran. Slík umrøða stuðlar upp undir sundurlyndið og spennir bein fyri samanhaldi.

Henda framferð sømir seg heldur ikki landspolitikarum, sum eiga at hava sum fremsta endamál at savna tjóðina.

Vit eiga heldur at fjálga enn meira um Havnina, soleiðis at ta vaksandi talið av havnarborgarum fáa so góðar framtíðar møguleikar sum gjørligt í einum sterkum høvuðsstaði.

Verði eg valdur til komandi løgtingsval fyri Fólkaflokkin, so vil eg sjálvsagt tæna áhugamálunum hjá bæði Føroya landi og Havnini, tí eitt framkomið land, hevur sjálvandi ein sterkan høvuðsstað, sum vit øll skulu vera errin av.


Birgir Nielsen
Valevni hjá Fólkaflokkinum

Vilji og dirvi til broytingar

 
...


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Rindaði bara 16 krónur fyri ein stóran bygning í Vestmanna
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
Miðvika við Kára P. Højgaard (3) - Gestur: Hendrik Old
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
R7 Premier League (41) - 9. des 2019
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Hol sett á arbeiði undir Høganesi
Metis - Øll sendingin - 03. des 2019
Hendingin í Miðvági í gjárkvøldið: politiið hevur sent hetta tíðindaskriv út
Ring til tann føroyska jóla­mannin
Hetta er nýggi havnarfútin í Vestmanna
Studningur til at ganga á háskúla í ríkisfelagsskapinum
Samrøða: Jacob Vestergaard um manglandi fiskidagar hjá Bólki 5B
Samrøða: Ragnar Danielsen um bók sína "Nú fækkast tey á gomlu Strandagøtu"
Ein mamma, sum nú er deyð, undir illgruna fyri dráp og drápsroynd í Tromsø
Georg L. Petersen: Innihaldið í samrøðuni eigur út til fólkið
Pávakirkjan snávar frá eini gølu til aðra
Jødisk-kristin mentan og etniska býtið av Nobel-vinnarum
Trupulleiki við muni á fiskaprísi
Fleiri idiotiskir spádómar um annað enn veður
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi