Heilsurøktarafelagið bjóðar til kvøldsetu við framløgu av teirra hjartamálum
Heilsurøktarafelagið hevur í samband við løgtingsvalið orðað átta hjartamál, sum vísa á nøkur av teimum málunum, sum tey halda vera mest átrokandi. Hesi hjartamál vísa á ynskini til politisku skipanina, myndugleikar og arbeiðsgevarar. Ynskini frá Heilsurøktarafelagnum skulu skapa meira virðing fyri heilsarøktarafakinum sum yrkisgrein, bøta um arbeiðsviðurskiftini hjá heilsurøktarum og somuleiðis lívskorini hjá borgarum og búfólkum, skrivar Heilsurøktarafelagið í innbjóðing til kvøldsetu.
Á kvøldsetuni, sum verður í Perluni týskvøldið 23. juli kl.19, fer Rakul í Gerðinum, forkvinna í Heilsurøktarafelagnum, at leggja fram tey 8 hjartamálini, sum Heilsurøktarafelagið hevur kosið sær til løgtingsvalið 2019.
Eftir framløguna verður fyrilestur við Pál Weihe, professara í fólkaheilsu, við yvirskiftini “Heilsuverk og umsorganartænastur í nútímans samfelag”.
Kjak verður eisini á skránni og øll eru vælkomin.
Mest lisið í farnu viku
Samband
Heygsvegur 8
490 Strendur