Um ein góðan mánaða 15. mars er umsóknarfreistin til miðnám komandi skúlaár. Á Miðnámi á Kambsdali er møguleiki at søkja inn á seks ymiskar breytir, og mikudagin 15. februar skipar skúlin fyri stórum kunningartiltakið á Kambsdali.

“Skúlasamanleggingin og útbyggingin á Kambsdali hava heilt víst skapt eitt meira livandi og fjølbroytt lestarumhvørvi, og tað er umráðandi fyri okkum, at komandi næmingar og foreldur teirra fáa høvi at koma á skúlan og kunna seg við tað, sum fyriferst her,” sigur Páll Isholm, rektari á Miðnámi á Kambsdali.

Nýggj høli og fjølbroyttar útbúgvingar

Seinastu tvey árini hava umfatandi um- og nýbygging verið á Kambsdali. Nú er loksins komið á mál og mikudagin komandi verður síðsti parturin av byggingini, sum eru hølini til kreativu lærugreinirnar, tikin í brúk.

Miðnám á Kambsdali bjóðar heili seks breytir á bæði gymnasialum miðnámi og yrkismiðnámi. Studentsútbúgving er innan handil, mál og náttúru og yrkisútbúgving er innan fyrisiting, handil og skrivstovu. Eisini er serbreyt skipað á skúlanum. Komandi skúlaár er møguleiki at søkja inn á allar breytir skúlans.