Havið fingið at vita 2 ferðirnar seinastu vikuna frá monnum, at teir hava fingið svørtispillu (sp) í síni epli. Og í kvøld, eg var mær og hugdi at veltunum, sá eg fyrsta blaðið fongt við svørtuspillu, sjá mynd. Smittan sæst í hesum førinum á snippinum til høgru. Uttast er blaðið næstan svart. Millum fríska blaði og svarta snippin er ljósari rond - hon er eykenni fyri sp. ( sp. er  svartaspilla ) 

Viðgerð mótu svørtuspillu er bara fyribyrgjandi og ikki lekjandi, tíverri. Fyri 5 døgum síðan sprændi eg móti hesi spilluni, og fann onga spillu. Svartaspilla, sum er eitt soppaslag, verður helst enn bara borin víðari við setini, bæði av set sett niður í vár og eplum, sum hava staðið eftir í jørðini - men bara um tey eru smittaði seinasta ár.
Sp smittar sera illa og hon smittar langa leið - 5 km er ikki langt.

Fyrsta tekini um smittu sæst á leggi á slókku/vísu frá sp-smittaðum epli. Smitta, sum sæst á bløðunu, er annað umfar av smittuni, sum tá helst er farin langt víða um, ella, ikki bara í míni veltu er, víða um alla bøin.
Sp hevur verð ein plága nú í fleiri ár, sum hevur gjørt, at nógv fólk eru givin at velta epli. Ikki verður lætt at sleppa av við sp-una, men okkurt er at gera.

Tað fyrsta, sum er, er at velja sera góða set um heysti, og at skilja hana væl umaftur, áðrenn sett verður niður. Hetta eigur eisini at verða gjørt, um talan er um keypta seta eftirhugd av vrakarum, og sjálvt um setin er mótstøðufør móti sp. Verri er, um talan er um gamla siðbundna set. Har eru eisini loysnir, fyri at fáa sjúkufría set aftur, men fyri at fáa tað í lag, er nokk neyðugt at fáa tað almenna at hjálpa til, og at samskipa slíkum tiltakið.
Tað næsta, er at fólk gera sær ÓMAK við at beina fyri eplum, sum standa eftir frá árinum fyri.

Síðan er tað viðgerðin, hon má eisini samskipast sum øll nevndu átøk um alt landið, so øll viðgera í senn, og helst ikki seinni enn 15. Juli fyrstu ferð, og síðan regluliga til tikið verður upp.
Veður hetta gjørt í eini 2 - 3 ár, er ikki óhugsandi at vit sluppu undan sp.