Eg fylgdi við allari umrøðuni av løgmannsrøðuni, og eg má siga, at sjálvdan havi eg sæð ein so ólátaðan persón sum Elsebeth M. Gunnleygsdóttir á tingsins røðarapalli!

Rullaði við eygunum, veipaði við ørmum og hondum, risti íhaldandi á høvdinum og varpaði um seg við enskum ordafellum!

Ongantið gav hon eitt reelt svar uppá spurningar, sum vóru settir.

T.d. varð ein relevantur spurningur settur um Klaksvíkar Sjúkrahús, og svarið var ein svada um blámusoppin, sum skuldi vera á sjúkrahúsinum.

Vánaligur stílur heilt ígjøgnum!!

Fari eisini at viðmerkja orðaskoluna um Fólkaflókkin sum Elsebeth M. Gunnleygsdóttir hevur lagt út á veggin herp.

“ fer ongantíð at útihýsa øðrvísi hugsandi”

Jú tað er júst tað sum Fólkaflokkurin ger við LGBT bólkin.

Allur tín flokkur atkvøddu fyri at skerja lívsfrælsi hjá hesum bólki, og Elsebeth var ein tann fremsta til at gremja seg um at børnini hjá samkyndum ikki fingu eina mammu og ein pápa.

Sera inkluderandi! Sera fevnandi!

Eitt hevur Elsebeth tó rætt í: fólk koma ikki at standa við hattinum í hondini um Fólkaflokkurin kemur til valdið.Tey koma ikki á biddaragongd til almennar stovnar og kassar, heilt einfalt tí Fólkaflokkurin í tí stóra og heila fer at avskaffa slíkar stovnar - so har verða ongar dyr at fara á!

“Ikki steðgað teim sterku og vágafúsu”( Nietzche hevur ikki livað til fánýtis!)

Hvør verður steðgaður? Eru ikki øll til arbeiðis í dag? 200 nýggj felag sett á stovn, boðar tað frá, at fólk kenna seg skerdan?

Hvør verður skerdur? Ongin!

“hjálpa teim sjúku og veiku “

Nú havi eg upplivað Fólkaflokkin gjøgnum tveir mannsaldrar, og havi ikki upplivað Fólkaflokkin sum eksponent fyri sosialari empati, og sannlíkindini fyri, at hann nú ein mánaða áðrenn valið, fer at broyta hugburð eru mikroskopisk.

“íbugvarnir í landinum skulu ikki eyðmýkjast”

Tað er júst Fólkaflokkurin, sum dag og dagliga, fær tey sum fáa sosialhjálp, at kenna seg illa og eyðmýktan, við teirra evindaliga tosi um, at tann hjálp tey fáa, er “oyðsl og yvirforbrúk”, og ikki ein sjálvsagdur rættur, og sum teir flestu flokkar í Føroyum annars halda.

Hoyrdi Jørgen Niclasen og Jacob Vestergård í SALT her í vár.

Við ein munn søgdu báðir, at vunnin rættindi hjá LGBT, skuldu takast aftur um Fólkaflokkurin fekk vald til tað!

Hetta er Fólkaflokkurin í eini nøturskali!!

Signar P. Dam