Samgongan er ikki samd um kósina hjá Høgna Hoydal
Norðlýsið visti í gjár at siga frá, at samgongan ikki er samd um nýskipan av fiskivinnuni, sum tað annars hevur verið lagt upp til.
Fríggjadagin var samgongufundur um fiskivinnunýskipanina. Sambært Norðlýsinum vóru fleiri í javnaðarflokkinum ikki nøgd við gongdina og tí var fundur í Javnaðarflokkinum eftir samgongufundin.
Sum skilst er misnøgd við at landstýrismaðurin ikki vil sleppa grundtankanum um at alt skal um uppboðssølu. Eisini er røringar í Framsókn. Sostatt eru tekin um at samgongu flokkarnir ikki longur eru fult samdir.
Mikukvøldið kl. 19.30 verður kjakfundur í samband við Torradagarnar. Har fara formenninir í politisku flokkunum at kjakast um fiskivinnunýskipan. Tað verður ivaleyst okkurt at frætta um, hvat flokkar taka undir við og ikki. Kjakfundurin verður sendur beinleiðis í KVF.
Fríggjakvøldið kl. 19 verður kjakfundur, har aktørar í fiskivinnuni fara at greiða frá sínum sjónarmiðum. Hesin fundur verður eisini varpaður beinleiðis.
Í kvøld klokkan 19.30 er eisini áhugaverdur fyrilestur, har Olaf Olsen fer at greiða frá um Cuba-trolararnar. Har kann roknast við at at vit frætta um hvussu ójavnur fiskiskapur er frá einum ári til annað.
Mest lisið í farnu viku
Samband
Heygsvegur 8
490 Strendur