Uni fekk heilar 827 atkvøður til fólkatingsvalið og gjørdist nummar eitt á fólkaflokslistanum. Leing var hildi at avtalan var tann sama sum undan valinum. Men seinasta dagin í løgtingið var saman boðaði Joen Magnus Rasmussen frá, at hann ikki stillar upp til løgtingsvalið kortini.

Á facebook vanga sínum sigur Joen Magnus Rasmussen soleiðis:

Við vón um ikki at órógva veljaran ov nógv, fari eg hervið at kunngera, at eg ikki stilli upp til løgtingsvalið í 2019. 
Eg havi avgjørt, at aftaná sera góða fólkatingsvalið hjá Una, so eigur hann eisini at sleppa at royna seg til løgtingsvalið, sjálvt um tað var ein greið avtala okkara millum, at hann stillaði upp til fólkatingsvalið, og eg til løgtingsvalið.
Uni hevur stóran áhuga fyri landspolitikki, og havi eg fult álit á, at hann verður ein fongur fyri Føroya Løgting, um hann verður valdur.
Hjá mær er eingin ivi: Eg velji Una, og vóni at fleiri gera tað sama 

Eg vil fegin takka øllum, sum hava stuðlað mær hesa tiðina, sum eg higartil havi verið í landspolitikki. Eisini vil eg fegin takka øllum teimum sum ætlaðu at stuðla mær hesuferð

Uni sigur á sínum vanga í dag:

Løgtingsvalið 2019

Nú er endalig støða tikin, at eg stilli upp til løgtingsvalið tann 31. august 2019. 
Í hesum sambandi fari eg at geva tykkum møguleika at seta mær spurningar.
Spurningar, sum verða settir mær fram til vikuskiftið, verða svaraðir her á mínari síðu mánadagin tann 12. august.

Uni Rasmussen
Valevni hjá Fólkaflokkinum
til løgtingsvalið 2019