SkreLLlilist, sum The Shed at Tórshavn skipar fyri, hevur opið í ein daga afturat og tað er í morgin, fríggjadagin 9. august.

The Shed at Tórshavn heldur til á Magnus Heinasonargøtu 22 í einum skúri, sum er karmur um hesa framsýning við verkum úr endurnýttum tilfari.

Tað er Sigga Vang, sum er filmsfólk og stigtakari til skreLLlilist. Hon skapar saman við eysturrísku listakvinnuni Cameron Menschhorn rammuna til framsýningina. Bjørn Ulvedal Simonsen, street artist, sum longu hevur verk á Magnus Heinasonargøtu, vísur nýtt og gamalt fram í í skúrinum. Afturat teimum kemur (tón)listamaðurin Jan Nystrøm at deila tónar og vísa verk teknað á pappír, onnur halda vera ídnaðarburturkast.

Listaframsýningin er opin frá kl. 10:30 til 19:30 í morgin.