Maersk Honam komið afturíaftur sum Maersk Halifax
Eftir eina risastóra umvæling og endurbygging er fyrrverandi bingjuskipið, Maersk Honam, farið av bakkastokki sum Maersk Halifax.
Eldur herjaði umborð á Maersk Honam í mars mánaði í fjør, og 5 av manningini, ið taldi 23, lótu lív. Ikki fyrr enn tríggjar mánaðir seinni varð skipið sleipað til bryggju í Jebel Ali.
Stórir partar av 353 metrar langa skipinum, millum annað apteringin, vórðu oyðilagdir. Í februar mánaði var “fríski” parturin av skipinum, eitt 228,5 metrar langt stykki frá miðjuni og aftur í reyv, flutt til endurbyggingar hjá Hyundai Heavy Industries Shipyard í Suðurkorea.
Her er tað sett saman aftur við fremsta partinum av skipinum, ímeðan oyðilagdi parturin verður høgdur upp í Dubai.
Mærsk yvirtók skipið 1. august, og tað fór í sigling í gjár. Skipið er eitt av 11 Mærsk-skipum í H-flokkinum, sum taka 15.226 TEU og sigla á farleiðum millum Asia og Miðjarðarhavið.
Kelda: antares.fo/Søfart
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur