Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Bárður á Steig Nielsen: Danskt persónstal eftir tørvi er ein sjálvfylgja

Innanlands, Lesarabrøv | 13/08-2019 10:16

Sjálvandi skal hetta málið loysast, eins og vit ígjøgnum ríkisborgararættin góvu øllum føroyingum, sum ynskja tað, atgongd til reyða ES-passið.

Ung, sum ætla sær til Danmarkar í lestrarørindum, og øll, ið hava tørv á effektivum samskifti við danskar myndugleikar, eiga skjótast gjørligt at fáa danskt persónstal og NemID, um tey ynskja tað. Landsstýrið hevur forðað hesum seinastu fýra árini

Tey, sum á ólavsøku fingu játtað útbúgvingarpláss á donskum lærustovnum, fegnaðust helst stórliga um játtandi svarið úr Danmark. Men so komu praktisku spurningarnar, hvat við t.d. SU ella barnaansingarplássi í Danmark, sum fleiri eisini hava tørv á?

Alt samskifti við danskar myndugleikar fer fram við NemID, sum bara fæst við donskum persónstali, sonevndum CPR-nummari. Øll tey, ið einki CPR-nummar hava, noyðast tí at bíða við at loysa hesar praktisku spurningar, til tey hava flutt bústaðin til Danmarkar. Eg havi seinastu dagarnar hoyrt nógvar søgur um fólk, sum stríðast hetta óneyðuga stríðið. Hetta er ein alt ov tung mannagongd, tá hugsað verður um, at vit eru danskir ríkisborgarar í ríkisfelagsskapi við Danmark. Tí eigur hetta málið at loysast skjótast gjørligt eftir løgtingsvalið.

Tey, sum eru fødd í Føroyum og ongantíð hava búð í Danmark, hava sambært galdandi reglum ikki atgongd til danskt persónstal. Føroyingar í hesari støðuni, sum fara á donsk sjúkrahús, fáa eitt sonevnt umsitingarligt persónstal í Danmark. Men hesar reglur kunnu uttan nakað hóvasták ígjøgnum ríkisborgararættin víðkast til at fevna um allar føroyingar, sum hava tørv á effektivum samskifti við danskar myndugleikar. Undanfarna danska stjórnin var sinnað at broyta hesar reglur, men sitandi landsstýri vísti ongan áhuga fyri hesum.

Sambandsflokkurin á Fólkatingi tók fyri nøkrum árum síðani m.a. henda spurningin upp í einum uppskoti til samtyktar um at beina av vegnum allar slíkar markaforðingar millum tey trý londini í ríkisfelagsskapinum. Men so tók sitandi samgonga við í Tinganesi, og hóast danskir myndugleikar hava sagt seg sinnaðar at geva øllum føroyingum, sum ynskja tað, danskt persónstal, so hevur landsstýrið tvíhildið um hesa markaforðingina í staðin fyri at lætta um hjá øllum teimum føroyingum, ið hava ørindi hjá donskum myndugleikum. Sjálvandi skal hetta málið loysast, eins og vit ígjøgnum ríkisborgararættin góvu øllum føroyingum, sum ynskja tað, atgongd til reyða ES-passið.

Bárður á Steig Nielsen
formaður í Sambandsflokkinum

 

 

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Svimji- og baðoasa í Tjaldavík
Jens Andreassen settur sum yvirlækni á Lands­sjúkra­húsinum
Samrøða við Rannvá G. Niclasen um mótmæli og korona í New York
Tíðindi á R7 klokkan 16:00
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Tíðindi á R7 klokkan 20:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi