Open Mic/Open Stage hevur fýra ára føðingardag
Mikudagin 14. august eru fýra ár síðani tiltakið Open Mic/Open Stage byrjaði. Í hesum sambandi verður Debbie Cameron serligur gestur.
Debbie Cameron kenna vit millum annað frá Melodi Grand Prix, har hon heilar tvær ferðir hevur sungið seg í finaluna saman við Tommy Seebach, við kendu løgunum Krøller eller ej og Disco Tango.
Hetta kvøldið framførir hon jazz løg, og Arnold Ludvig spælir á bandleysum bassi afturvið.
Open Mic/Open Stage tiltakið er fyri øll tey, ið vilja sleppa at frambera sína list fyri øðrum. Tiltakið er ætlað sangskrivarum, yrkjarum, søgusigarum og skemtarum ið vilja framføra egið tilfar, nýtt eins væl og gamalt. Tiltakið er ein kreativur verkstaður har høvi er til at royna nýggj hugskot í einum umhvørvi saman við samhugaðum listafólki. Tað eru hjúnini Arnold Ludvig og Anna Iachino sum skipa fyri Open Mic/ Open Stage tiltøkunum.
Skráin er hendan á fýra ára føðingardegnum er hendan:
20:30 – 21:00: Innskrivan
21:00 – 21:30: Debbie Cameron feat. Arnold Ludvig
21:45 – 22:00: MonkeyRat Duo
22:00 – 23:30: Open Mic/Open Stage
Tiltakið, sum er á Reinsarínum, er ókeypis og øll eru vælkomin, eisini tey, ið bara vilja lurta og hyggja. Okkara stuðlar tiltakinum.
Mest lisið í farnu viku
Samband
Heygsvegur 8
490 Strendur