Petur Háberg hevur verið varamaður hjá Tjóðveldi seinasta valskeið, men í dag boðar hann frá á facebook, at hann ikki stillar upp aftur. 

Undir yvirskriftini "Politikkur var ikki fyri meg" skrivar Petur Háberg soleiðis á sínum facebook vanga: 

Men eg vóni, at onkur tekur eitt hál fyri tey, ið ikki hava orku, tíð og yvirskot at stilla upp fyri seg sjálvi. Vit mugu ansa eftir okkara veikastu. Og eri eitt sindur líkaglaður við, um tað er Bill, Helgi, Bjørt, Hanus ella onkur annar.

Eitt umboðandi fólkaræði má ansa eftir okkum øllum. Eisini teimum, ið hava fingið vánalig kort. Eg havi fingið fult hús allan vegin ígjøgnum. Flestu okkara hava tað óvanliga gott. Men tað eru ordiliga nógv, ið ikki hava tað gott. Nøkur hava tað ikki gott frá barni av, meðan nøkur fáa tað ordiliga torført seinni í lívinum. Óansæð, so er tað okkara ábyrgd sum samfelag, at lofta øllum hesum. Tí hesi hava ikki eina rødd sjálvi. Tí mugu vit.

Sjálvandi skal vinnan nørast og mentanarlívið blóma osfr. Øll skulu hava tað gott. Men nú havi eg arbeitt og verið stuðul hjá børnum og ungum í nógv ár. Og ansa vit ikki eftir teimum, so gerast tey ólukkulig. Og tað vilja vit ikki. Tað kostar nógvar pengar, og tey hava tað av hundanum til.