Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Eg undrist – hvat heldur tú?

Innanlands, Lesarabrøv | 13/08-2019 16:57

Tað ber væl til at vera “sosialur” uttan at velja Javnaðarflokkin, tað ber væl til at vera tjóðskaparsinnaður uttan at velja Tjóveldi og tað ber væl til at taka undir við frælsis tankanum uttan at velja Framsókn.

Eg undrist – hvat heldur tú?

Tá tað kemur til etiskar spurningar, so hevur slagorðið hjá flokkunum, undantikið Miðflokkinum, verið, at “har standa tingfólk frí at atkvøða sambært egnu samvitsku”. Hetta ljóðar sera gott – men hvussu hevur tað roynst  í verunleikanum? 

Hava vit uppskotið um hjúnarbandslógina í huga, so minnast tey flestu hvussu leikur fór. Ikki øll í samgonguni tyktust at vera so fegin um uppskotið og tosaði ávísur samgongu tingmaður um, at fáa málið til fólkaatkvøðu. Nei, tað bar ikki til, tí nú var málið vorðið eitt sokalla “samgongumál” og gjørdi løgmaður púra greitt, at um málið fall, ja, so var eingin samgonga, tí tingkvinnan, sum var farin úr javnaðarflokkinum, hevði gjørt púra greitt, at um málið ikki vann frama, ja, so tók hon stuðulin frá samgonguni aftur. Her viknaði løgmaður og nú var ikki longur galdandi, at hvør atkvøddi eftir “egnari sannførðing”. 

Lívsáskoðan hins einstaka avgerð støðutakan til ymisk mál. Tað sum kann undra er, at hóast avrik samgongunnar í t.d. hjúnarbandsmálinum eru beint í stríð við lívsáskoðanina hjá mongum javnarfólki eins væl tjóðveldisfólki og teim, ið stuðla Framsókn, so halda hesi á við at veita hesum somu flokkum stuðul – uttan at gera sær greitt, at júst teirrasa stuðul  gevur hesum flokkum møguleikan at halda somu kós og fremja enn fleiri broytingar á etiska økinum. Broytingar sum t.d. fría fosturtøku, kirkjuvíglsa av samkyndum, kynsneutralt samfelag v.m.  Broytingar,sum avspeglað tað, sum vit síggja í t.d. Danmark. 

Kenni mong skilafólk í nevdu flokkum, sum vegna teirra lívsáskoðan, ikki ynskja at okkara kæra Føðiland skal gerast  eitt kopi av tí danska samfelagnum, tá ræður um virðisgrundarlag og etisk viðurskifti. 

Tí er mín vinarliga áheitan á tykkum: Stuðlið teir flokkar,sum í verkið hava víst, at teir ikki ganga ta leið, sum samgonguflokkarnir gera á tí etiska økinum! Tað ber væl til at vera “sosialur” utttan at velja Javnaðarflokkin, tað ber væl til at vera tjóðskaparsinnaður uttan at velja Tjóveldi og tað ber væl til at taka undir við frælsis tankanum uttan at velja Framsókn.

Hugsað um tína ávirkan! 

Júst tú kann verða við til at venda gongdini!


Eiði, tann 13. August 2019

Tordur J. Niclasen


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Vespureiðrið (136) - 2. juni 2020
Jan Lamhauge: Eik-málið átti at verðið roynt í Rættinum
Í dag lat Kunningarstovan í Nólsoy upp
Leiðreglur fyri ferðandi broyttar
Petur Hans Dahl, veðurfrøð­ingur: Veðurvá­nir fyri hesa vikuna ( vika 23 )   
Í øðini eftir samrøðu við Trump
JUVÉL 2 - nýggj leiðsla!
RAVI ZACHARIAS - saknaður av føroyingum
LÍV POULSEN ÚR SENEGAL - ein dugnaligur brævskrivari!
Partabrøv til starvs­fólk hjá Bakkafrosti
Úr bandasavni­num: Samrøða við Dávur Jacobsen 3. partur
Svimji- og baðoasa í Tjaldavík
Jens Andreassen settur sum yvirlækni á Lands­sjúkra­húsinum
Tíðindi á R7 klokkan 16:00
Samrøða við Rannvá G. Niclasen um mótmæli og korona í New York
BÍBLIU- OG TÓNLEIKATÚRUR - ein annarleiðis ferð
KIRKJUR, SAMKOMU- OG MISSIÓNS­HÚS - nú verður latið uppaftur!
Hotel Brandan letur upp 1. juli
Tíðindi á R7 klokkan 12:00
Sjófólk sleppa ikki í land aftur
DRONNING ELISABETH OG PÁSKA­HÁTÍÐIN - fyri fyrstu ferð í 68 ár
Listaframsýning við Silju Strøm í Gamla Seglhúsi­num í Klaksvík
31. mai - Altjóða roykfríur dagur
Tíðindi á R7 klokkan 20:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi