Bretar funnu heroin fyri fleiri milliónir umborð á bingjuskipi
Bretar hava funnið eina rúgvu av heroini umborð á einum bingjuskipi, sum hevði kós ímóti Belgia. Tað hendir bara eina viku eftir, at týskir tollmyndugleikar almannakunngjørdu, at teir høvdu funnið kokain umborð á einum skipi, sum hevði somu kós.
Bretar hava funnið 398 kg av heroini, sum varð goymt undir teppum og handkløðum í einari bingju.
Virðið á heroininum á gøtuni verður mett til 40 pund, sum er omanfyri 320 milliónir krónur, og hetta verður mett at vera størsti heroin-fundurin í Bretlandi nakrantíð.
Bingjuskipið við ólógligu lastini hevði kós ímóti Antverpen í Belgia, men legði inn í Felixstove í Bretlandi á vegnum.
Her kannaði NCA, sum er bretski stovnurin fyri kriminalitet, saman við tollmyndugleikunum, eina bingju, sum teir fingu illgruna til. Tað var í hesari bingjuni, at heroinið varð funnið hin 2. august.
Eftir hetta varð bingjan sett umborð aftur á skipið, og kósin varð sett ímóti Antverpen. Tá skipið var komið til Antverpen, vórðu fleiri fólk handtikin.
Kelda: antares.fo/Shippingwatch
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur