Nýtt matarstað í Runavík
Vit fara at leggja okkum eftir at hava mat allar gerandisdagar, so arbeiðsfólk og onnur kunnu fáa ein bita mitt um dagin, tá ið tey annars hava døgurðasteðg, sigur Magni Garðalíð, ið stendur fyri nýggja matarstaðnum.
Mánadagin 19. august klokkan 12.00 letur upp nýtt matarstað upp í Runavík, sum heldur til í somu hølum, har Sjókaféin hevur verið áður.
Café Viljin, sum nýggja matarstaðið eitur, fer gerandisdagar at borðreiða við døgurða, smyrjibreyði og øðrum til matna. Opið verður vanliga mánadag til fríggjadag frá klokkan 12.00 til klokkan 14.
– Vit fara at leggja okkum eftir at hava mat allar gerandisdagar, so arbeiðsfólk og onnur kunnu fáa ein bita mitt um dagin, tá ið tey annars hava døgurðasteðg, sigur Magni Garðalíð, ið stendur fyri nýggja matarstaðnum.
– Tað skal bera til at støkka inn á gólvið at fáa ein heitan bita, okkurt úr frituruni, smyrjibreyð, sandwich ella bara okkurt afturvið einum drekkamunni.
Hava gott pláss
Magni Garðalíð sigur, at tey hava pláss fyri 150 sitandi gestum, so Café Viljin kann – eins og gjørt hevur verið áður í hølunum – hýsa øllum hugsandi tiltøkum og samkomum, har njótast skal ein biti.
– Her hugsa vit um veitslur, føðingardagar, brúdleyp, barnadópar, fermingar ella aðrar merkisdagar, og eisini ber til at hava ervi hjá okkum, sigur hann og leggur aftrat, at allir fyrispurningar um høli til slík og líknandi tiltøk.
Felagið aftan fyri Café Viljin veitir eisini tænastu um alt landið, tá ið tað kemur til matgerð, tí við mobilum køki og kølivogni ber væl til at koma runt, har umstøðurnar til matgerð annars ikki eru tær bestu.
– Café Viljin er bara eitt nýtt tilboð, vit kunnu bjóða viðskiftafólki, umframt alt hitt, vit longu takast við frammanundan, sigur Magni Garðalíð at enda.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur