Janus Rein ikki á listanum hjá Fólkaflokkinum hesuferð
”Lívið hjá mær broyttist nógv seinasta summar, tá eg mátti gevast sum skipari hjá Atlantic Airways og harnæst hin 1. januar í ár byrjaði eitt nýtt advokatfelag, Axia Advokatar, saman við barndómsvini mínum Brandur Ellingsgaard.
Janus Rein, fyrrverandi tingmaður og varamaður hjá Fólkaflokkinum, verður ikki við á uppstillingarlistanum hjá flokkinum til løgtingsvalið hesuferð. Tað boðar Fólkaflokkurin frá í tíðindaskrivi í dag.
”Lívið hjá mær broyttist nógv seinasta summar, tá eg mátti gevast sum skipari hjá Atlantic Airways og harnæst hin 1. januar í ár byrjaði eitt nýtt advokatfelag, Axia Advokatar, saman við barndómsvini mínum Brandur Ellingsgaard. Advokatfelagið hjá okkum tekur alla mína tíð og orku, og mínar avtalur við Brand og okkara hugburður mótvegis okkara kundum um, at vit altíð skulu vera tøkir og telefonirnar altíð skulu svara, passar ikki ordiliga saman við, at eg møguliga eisini skal starvast sum løgtingsmaður. Tað vildi ikki verið rætt mótvegis okkara kundum og mínum veljarum. Tí havi eg valt, ikki at stilla upp hesuferð”, sigur Janus Rein um støðuna í stuttari viðmerking.
Janus Rein hevur annars verið á uppstillingarlistanum hjá Havnar Framburðsfelag inntil í dag.
”Í Havnar Frambursfelag hava tey alla tíðina kent tíl mína støðu viðvíkjandi mínum skyldum mótvegis Axia Advokatar, og avtalan hevur tí verið, at eg fyribils skuldi vera á listanum, soleiðis at vit kundu síggja støðuna ann.
Tað er mong, sum fegin vilja hava meg at stilla upp, so tað er sjálvsagt við tungum hjarta, at eg taki meg av listanum, men soleiðis er lívið onkutíð – men eingin veit, um eg ikki komi aftur í aftur eina aðruferð” leggur Janus til endans afturat.
...
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur