Formaðurin fyri Framsókn, Poul Michelsen, setur løgtingsmannin fyri Fólkaflokkin, Jacob Vestergaard, stevnu. 

Tosið fevnir breitt og fer í smálutir. Tosað verður m.a. um fiskivinnuna, alivinnuna og makrelstríðið. Um menningarkvotur, tilfeingisgjald og handil í fiskivinnuni. Um planøkonomi, uttanríkispolitikk, 5G, hví Jacob Vestergaard er so bombastiskur og hví Suðuroyggin skal hava sersømdir. 

Í øðrvísi politisku kjaksendingini "Stafettin" spyr ein politikkari ein annan spurningar. Tann spurdi politikkarin sleppur so í næstu sending, at velja sær ein politikkara at seta spurningar.

Annika Bolton Mortensen er vertur í sendingini, sum er á R7 fríggjadagar kl. 13.