Liss Hansen stillar upp fyri Føroyaflokkin
Eg havi valt at stilla upp til Løgtingsvalið fyri lista L, Føroyaflokkin. Vónandi fáa vit nógvar atkvøður, so vit fáa eitt (helst fleiri) umboð inn á Løgtingið.
Vit vilja hava so stórt frælsi til borgaran, og so lítlar avmarkingar frá statinum, sum gjørligt.
Mítt hjartamál er at allir føroyingar skulu kunna búseta seg har, tey kenna seg best heima.
Sum støðan er í dag, uppliva mong at tey ikki kunnu fáa fígging til at byggja/keypa sær ein bústað, uttan so at hann er staðsettur í miðstaðarøkinum.
Sagt verður, at um bústaðurin er í eini smábygd, kann bankin ikki fíggja tey, tí tá bústaðurin er liðugt bygdur er hann uml. ½ mill. minni verdur enn byggikostnaðurin er. Spurningurin er hví?
Sagt verður eisini at marknaðarkreftirnar eru tað sum ásetur prísin á eini vøru - alt hongur saman við útboð og eftirspurningi - men eftirspurningurin av bústøðum hevur aldrinn verið størri enn nú, og vit hava aldrinn havt eitt læðri arbeiðsloysi enn nú.
Grundgevingin fyri at eini hús, sum standa uttanfyri miðstaðarøkið, eru upp til fleiri milliónir minni verd enn um somu hús standa í høvuðsstaðnum sigst vera at tað tekur tíð at ferðast til og frá arbeiði í Havnini. Hús á bygd eru ikki eftirtragtaði - sigst! Tó - so eru bara heilt fá hús til sølu, og tey standa í heilt stutta tíð á sølulistanum!
Her er neyðugt at hyggja gjøllari at orsøkini!
Føroyingar hava verið førir fyri at byggja sær bústaðir í 1000ár. Og goldið fyri sín bústað! Hvat er tað sum ger at tað ikki longur ber til fyri so mangar borgarar? Hvat er broytt???
Mítt boð er, at staturin hevur blanda seg ov nógv í frælsið hjá borgaranum. Vit hava fingið ov strangar lógir og sett ov høg krøv til bygging, sum ikki virka til frama fyri borgaran, og beinleiðis forðar okkara unga ættarliði í at klára at skaffa sær nakað so grundleggjandi sum sín egna bústað! At seta føtur undir egið borð!
Hetta ynski eg at gera mína ávirkan galdandi fyri at broyta.
tað skrivar Liss Hansen nyggjasta valevni hjá Føroyaflokkinum
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur