Heimsins størsta skip hevur fullført jomfrúferðina
Heimsins størsta skip, MSC Gülsün, hevur nú fullført jomfrúferð sína úr Asia til Evropa. Tað skrivaði MSC Mediterranean Shipping Company mánadagin.
Sambært AIS-inum er MSC Gülsün komið til Bremerhaven í Týsklandi. Ferðin byrjaði annars í Kina.
400 metrar langa og 60 metrar breiða skipið tekur 23.756 TEU (20 fóts-bingjur). Sagt verður, at hetta risa skipið hevur lægri CO2-útlát mált uppá hvørja einstaka bingju enn onnur bingjuskip.
Hetta er fyrsta skipið av einari røð uppá 10, sum skulu smíðast. Hetta fyrsta, MSC Gülsün, og fimm aftrat, verða smíðað á Samsung Heavy Industries-skipasmiðjum í Suðurkorea.
Seinastu fýra skipini verða smíðað á Daewoo Shipbuilding & Marine Engineering – eisini í Suðurkorea.
Lítla CO2-útlátið á hesum nýggja risaskipinum prógvar, at MSC er tilreiðar at møta altjóða krøvunum til útlát, sum koma í gildi í 2030. Tað metir í hvussu er reiðaríið sjálvt.
Kelda: gCaptain og www.antares.fo
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur