Í vikuni hevur Varðin Pelagic havt kunningardag fyri nýggjum starvsfólkum í felagnum. Har ímillum, vóru 21 starvsfólk, sum í næstum fara at hava sín fyrsta arbeiðsdag á virkinum. Flestu av nýggju starvsfólkunum eru úr Suðuroynni, meðan nøkur koma norðani frá. Tað skrivar Suðuroyarportalurin. 

Ein framløga varð hildin fyri nýggju starvsfólkunum, har tey fingu vitan um samtakið, bygnaðin og virkið. Varðin Pelagic framleiðir fiskavørur til matna til kundar kring allan heimin. Stór áherðsla varð løgd á handfaring av fiski, reinføri, arbeiðsmannagongdir og trygd, hetta fyri at tryggja bestu vørugóðsku, skrivar Suðuroyarportalurin. 

Tey nýggju starvsfólkini blivu síðani víst runt á virkinum, og tey fingu at vita, hvørjar arbeiðsuppgávur hvør einstakur fekk tillutað.

Á facebook fegnast Tey á Varðanum Pelagiv um at bjóða nýggju og royndu starvsfólkunum vælkomnum til arbeiðis á Varðanum Pelagic.