Búskaparfrøðingur í Degi og Viku í kvøld, ( í gjárkvøldið red. ) tá hann helt seg úttala seg um føroysku fiskivinnuna:

“Føroya fólk fær onki burturúr”. 

Hann kann ikki hava lisið ein einasta roknskap tey seinastu mongu árini (roknskapirnir eru almennir, um onkur skuldi ivast). Har stendur jú í hvørjum einstøkum roknskapi, hvussu nógv tey ymisku reiðaríini gjalda til land og kommunur, og tað sama við virkjunum á landi.

Øll feløg upplýsa eisini, hvussu nógv ársverk eru í hvørjum virki, og tá er lætt at rokna út, hvat hesi hava lagt inn í peningi, og hvussu nógv hesi, bæði virki og fólk, hava lagt í felagskassan.

Onkursvegna hvørvur almenn vinnuvitan, tá ið vit koma suður um Hórisgøtu og inn á almennu skrivstovurnar. Løgið, rættuliga løgið, haldi eg, sum fuglfirðingur og føroyingur annars.

Soleiðis skrivaði Kristian Martin Petersen á facebook vanga sínum í gjárkvøldið.