Vit skrivaðu m.a -  Tað er helst greitt, at Lars Olsen heldur ikki fram í starvinum sum føroyskur landsliðsvenjari, eftir at verandi sáttmáli gongur út seinast í hesum árinum. Óvátta tíðindi vilja vera við, at nyggji A-landsliðsvenjarin helst verður almannakunngjørdur í morgin -ella ein av næstu døgunum.

Nú er viðmerking komin frá Virgar Hvidbro, aðalskrivari hjá FSF

Virgar Hvidbro aðalskrivari avvísur tíðindini og sigur, at hald ikki er í "óvátta tíðundunum" sum vit komu við fyrr í dag.

Hann leggur aftrat, at FSF hevur ikki longt við Lars enn, men vit hava heldur ikki samráðst við nakran annan, hann leggur aftrat, vit hava ikki eingong havt samskifti við nakran annan venjara.

Virgar slær til seinast fast "so eingin avloysari er á gáttini".