Heimafriður: Runavíkar kommuna letur sum einki og heldur fram at týna sínar borgarar
Júst nú liggja nógv útlendsk skipi við bryggju í Runavíkar kommunu (Sí mynd). Fleiri borgarar hava vent sær til felagið Heimafriður viðvíkjandi hesum og felagið sendur javnan klagur til Runavíkar kommunu. Men, Runavíkar kommuna letur sum einki. Tað skrivar felagið Heimafriður á facebook í dag.
Sambært Heimafriði fáa tey fleiri klagur um vikuna frá borgarum í Runavík og Strondum, sum klaga um gang frá skipum. Men tey ásanna, at hvørki felagið ella borgarar verða hoyrdir ella virdir av Runavíkar kommunu.
Heimafriður hevur hóma vilja til samarbeiði og skilna um støðuna frá Klaksvíkar-, Fuglafjarðar- og Tórshavnar kommunu. Ímeðan er eingin samarbeiðsvilji ella áhugi at hóma frá Runavíkar Kommunu. Kommunan heldur fram at týna sínar borgarar dag inn og dag út, skrivar felagið Heimafriður, sum heitur á landspolitikarar og avarandi myndulleikar um at taka ábyrgd fyri fólkunum her á landi.
Mest lisið í farnu viku
Samband
Heygsvegur 8
490 Strendur